LA Beat

Verse 1:
Fahr mied da Hand übas Gsicht, mei Gschau werd zwieda
Des is da Psycho-Bligg, den brauchsd ois Drogndeala,
I vatick Stoff und mach nehmbei a bissl Gängstaräpp,
Meine Homies hoassn mi an Marihuana-Sepp

I bin da wäidste Drogndeala do in LA-City,
Mied mir raffn is wia Pittbull gega Hello Kitty,
Wia Bayan gega 60ga, Gmiasbaua gega Schlächter,
Siegs ei du bist hoid koana und I bin a echda.

Dir gähds wia de „De Linke“-Wähla vo unsana Gmoa,
Machsd an mords Radau, aba dawei bist aloa
Schau dassd Killomedda gwinnsd, I woas es is ned fäir,
Hindda dir stähd koana, du aufm Schlauch und hindda mir er


I bin da Medzga-Maschd und wenn da wos ned bassd,
Dann bas bloß auf, wenn du aloa moi durch mei Viadl laffsd,
Weil in da Eibsäästrass, do sann de Typn echt krass,
Do foids ned auf wenne di moi a bissl bliadn lass


Na iadz moi ohne Schmarrn uns gähds echt schlimm
I wissad koan, der do legal üba de Rundn kimmd
Veille gibds Sozialhilfe und aa Hartz 4
Aba zoi moi vo Hartz 4 täglich a Bitch und 10n Bier

Duasd du nur so, oda bist du echt so bläd
Du wersd doch woi eiseng, dass des ned andas gähd.
Drumm muase mi aa oiwei ärgan, wennes auf MTV sieg,
Wenn de Amis wieda jamman im Getto herschad Krieg.

Wos is Amerika, mied seine Gettos?? De Bronx??
Oida I scheiß in meine Songs auf de vaschissne Bronx!!
Sann de jemois im Lehm im Roudbochviadl gwen??
Dageng is de Bronx a Villengengad wos mimm Kindawong gähn

Herrendn gähds ja grod noch, aba enddam Boch,
Do gähsd du liaba ned aloa hi in da Nochd.
Weil do sann Gängs unddawegs, gähsd du dene aufn Keks,
Hauns da auf d Rübe bist nix mehr dschäggsd oda sogar vareggsd.


Hook:
Mir sann hart, mir sann de Härtsdn vo da Wäid,
Mir wissen woi um wos dass gähd und wirgglich zäid.
Es gähd um bitches, Sex und zuagschwoassde Waffn,
Mied de Kampfhund posen, bei da Mama schlaffn
Frauen verachtn, ois Objekte betrachtn
Koane obgriang und stattdessn billig Pornos ohschmachtn
Auf ganz hart doa, wunda wos moana,
Grod wenn as Koks ausgähd, na fang ma oh zu woana.


Verse 2:
Des gähd ans Berlina Gschwerl mied eichra Gettolabarei
Eichane Lines sann a Witz, es kinnds ja ned moi gscheid Deitsch.
Wenn de Ami jamman, konne des grod no vasteh,
De miassn z’Amrika lehm und Englisch rehn.

Aba es Baraba gähd ma tierisch aufn Sack
Weil wenns wos gibd, wose ned dabagg,
Na sann des Leid, wos wos vazäin wos gar ned stimmt
Wenn oana moand, dass cool is wemma mied 12e Drogn nimmt

Na is des genau gnomma sei Broblem,
Aba sowos wos mächde ned im Fernsehn hean oda seng,
Weil wenn du wirgglich wuisd, dann kimmsd ausse aus dem Scheiß
So oana dad mi indressian, koana der jammad und nix zreisst

Do hoggan d’Assiräpa auf MTV broadghaxd do,
Links an Hos, rechts an Hos und jäda frogd sie wos,
Wuin denn de scheena Dianein mied dene Affn,
Freiwillig kemman de ned, nana, de miassds eich kaffn

Im Fernsehn wirggds ois dad bei eich as Bier guad laffn,
Aba wos es a da Woch saufds, dahn mir in 10 Minuddn schaffn,
Wenn mir Pardy macha is des ned zum Lacha,
Mir lossns so gach gracha, ois warma ned ganz bacha

Drauds eich hoid und gähds moi mied uns furt,
Mir saufn ned zur Gaude, mir betreim des ois Sport
Dann is a Laddshosenfesdl und olle gängan oh,
Bei uns Downtown in LA laffd des ungefähr so:

I da Kapitän setz meine Segl
Noch de erstn Hoibe griage langsam mein Pegl
Und wenne na erst an gscheidn Sägla hob,
Braucha koa Bedd, na äa a Grob.

Da Mong is voi, as Hirn is laar,
Gedankn fliang, de Zung werd schwar,
A Läidi sogd, „kumm mach di logga“
I schau ihr noch mi hauds vom Hogga


Hook:
Mir sann hart, mir sann de Härtsdn vo da Wäid,
Mir wissen woi wos wichtig is und wos wirgglich zäid.
Es gähd um bitches, Sex und zuagschwoassde Waffn,
Mied de Kampfhund posen, bei da Mama schlaffn
Frauen verachtn, ois Objekte betrachtn
Koane obgriang und stattdessn billig Pornos ohschmachtn
Auf ganz hart doa, wunda wos moana,
Grod wenn as Koks ausgähd, fang ma oh zu woana.